«Эдэр Гвардия» волонтердара — Луганскай норуодунай өрөспүүбүлүкэҕэ

Бүтүн Арассыыйатааҕы уопсастыбаннай «Эдэр Гвардия» хамсааһын Саха сиринээҕи салаатын волонтердара Северодонецк уонна Лисичанск куораттарга олохтоох нэһилиэнньэҕэ, эмчиттэргэ уонна ыарыһахтарга күүс — көмө буола сылдьаллар. 

Уон буолан барбыттар: Максим Колесов, Николай Цеев, Михаил Исаков, Айаал Антонов, Константин Колесов, Айсен Иванов, Николай Куличенко, Николай Калининский, Лев Неустроев, Андрей Сыромятников.

Икки нэдиэлэ устата олохтоох госпиталларга үлэлииллэр. Туох баар күүстэрин — уохтарын ууран тураннар, куораттары чөллөрүгэр түһэриигэ кыһаллаллар, көхтөөх кыттыыны ылаллар.

Тэрилтэ салайааччытын солбуйааччыта Максим Колесов этэринэн, күүс — көмө уонна өйөбүл буолаллара — олохтоохторго эрэл кыымын саҕар, соҕотох буолбатахтарын биллэрэр.

Санатан эттэххэ, волонтердар М.К. Аммосов аатынан Хотугулуу — Илиҥҥи федеральнай университет устудьуоннарынан буолаллар.