Айылҕаны харыстааһын – күөх халлаан, үрэхтэр, өрүстэр ыраас дьэҥкир уулара, күөҕүнэн чэлгийбит алаастар, дьон үтүө, үчүгэй, олохторугар ситиһэргэ дьулуһар баҕа санаалара.
edersaas.ru
Үүнэр көлүөнэ пуондата уонна СӨ Айылҕа харыстыбылын министиэристибэтэ «Эдэр экологтар» куонкуруһу ыыталлар.
Куонкурус соруга – айылҕаҕа харыстабыллаах сыһыаны күүһүрдүү, оскуола үөрэнээччилэрин экологияҕа анаммыт бырайыактарын өйөөһүн, научнай-чинчийэр уонна практическай үлэни сайыннарыы.
Үүнэр көлүөнэ пуондатыттан уонна СӨ Айылҕа харыстабылын министиэристибэтиттэн састааптаах хамыыһыйа кыайыылаахтары икки номинациянан быһаарыаҕа – «Экосумка» уонна «Экологическай видеоролик».
Сайаапкалары бу дьыл кулун тутар 22 күнүттэн ыам ыйын 30 күнүгэр диэри ылаллар. Кыайыылаахтары бэс ыйын 5 күнүгэр быһаарыахтара. Бириис пуондата 500 000 солкуобай.
Куонкурус балаһыанньатын сиһилии www.fondyakutia.ru саайтыгар көрүөххэ сөп.
“Саха сирэ” хаһыат, edersaas.ru