Бу күннэргэ сыстыганнаах дьаҥынан сибээстээн, Өймөкөөн улууһун киин балыыһатын үлэһиттэрэ ураты эрэсииминэн үлэлииллэр.
edersaas.ru
Улуустааҕы киин балыыһа иһинэн оперативнай ыстаап тэрилиннэ (эппиэттээх Лена Лыткина). Бу ыстаап иһитиннэрэринэн, учаастактааҕы терапевт-быраастар, педиатрдар, анал исписэлиистэр ыарыһахтары ыҥырыынан дьиэлэригэр тиийэн көрөллөр. Ыҥырыы суһал медицинскэй көмө сулууспатыгар оҥоһуллар. Анаалыс клинико-диагностическай лабораторияҕа бэйэтигэр оҥоһуллар. Ыксаллаах кэмҥэ эрэ анаалыс дьиэҕэ оҥоһуллуон сөп.
Оҕону вакциянациялааһын Национальнай халандаарга олоҕуран, ыам ыйын 18 күнүттэн саҕаланна.
Сыстыганнаах дьаҥынан сибээстээн, стоматология кэбиниэтэ суһал ыарыһахтары эрэ көрөр. Атын өҥө тохтотулунна.
Пандемиянан сибээстээн, улуустааҕы киин балыыһа суһал медицинскэй көмөҕө эбии үһүс биригээдэни тэрийдэ.
COVID-19 дьаҥынан сутуллубут дьону кытта үлэлиир быраастар уонна алын сүһүөх медицинскэй үлэһиттэр муус устар уонна ыам ыйын бастакы аҥарыгар федеральнай уонна эрэгийиэннээҕи төлөбүрдэрин ыллылар.
Елена ПОТОЦКАЯ, «Саха сирэ» хаһыат, edersaas.ru