Эбии хааччахтааһыннар киирдилэр
· - Олох-дьаһах

Эбии хааччахтааһыннар киирдилэр

Cэтинньи 14 күнүгэр Ил Дархан ыйааҕынан, коронавируснай инфекция тарҕамматын туһугар ылыллар миэрэлэргэ уларытыылар, эбиилэр киирдилэр. Бу СӨ кылаабынай санитарнай бырааһын этиилэрин учуоттаан ылылынна.

Ол курдук, эбии үөрэхтээһин уонна спортивнай бэлэмнээһин бырагыраамаларын үлэлэрэ күнүскү уонна күнүскү-кэтэхтэн көрүҥнэринэн сөргүтүллэр. Манна тэйиччиттэн үөрэтэр технологиялар, электроннай үөрэтии ньымалара киириэхтэрин сөп, санитарнай ирдэбиллэр булгуччу тутуһуллуохтаахтар.

Тэрилтэҕэ үлэһиттэр кыраадыстарын кээмэйдиэхтээхтэр, кыраадыһа үрдээбит, эбэтэр тумуулаабыт сибикилээх буоллаҕына, үлэлэлэтиэ суохтаахтар. Коронавируһунан ыалдьыбыт киһини кытары хантаактаспыт дьон туһунан Роспотребнадзор управлениетыгар суһаллык биллэриэхтээхтэр, ыалдьыбыт киһи сылдьыбыт хосторугар дезинфекцияны ыытыахтаахтар.

Уопсастыбаннай тырааныспарга суоппардар хас биирдии рейс кэнниттэн оптуобуһу, массыынаны дезинфекциялыахтаахтар, салгылатыахтаахтар, харыстанар малларынан хааччыныахтаахтар.

Муниципальнай оройуоннар уонна куорат уокуруктарын баһылыктара коронавирустан өлбүт дьону көмүүгэ бары санитарнай-эпидемиологическай ирдэбиллэр тутуһуллалларын хааччыйыахтаахтар. Каникул кэмигэр оҕолор айанныылларын, кэлэллэрин-баралларын хонтуруоллуохтаахтар.

Ас-үөл тэрилтэлэрэ банкеттары, бырааһынньыктары ыыталларын бобор пууҥҥа эбии киирдэ: банкет киһитэ 15-тэн элбэх буолуо суохтаах уонна дискотекалар, атын да аралдьытар тэрээһиннэр ыытыллаллара бобуллар. Уопсастыбаннай түмсүүлэр элбэх киһилээх публичнай тэрээһиннэри ыыталлара бобулунна.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

1 × 4 =