Маны аах Эдэр саас

Эбээн Бытантайга оҕолору төрүт дьарыкка уһуйаллар

Оҕолор сайыҥҥы сынньалаҥнарыгар дьарыктаах буолууларын боппуруоһа тиһиктээхтик салҕанар.

Сокуоннай саастарын туола илик 14-18 диэри саастаах оҕолор сайыҥҥы сынньалаҥнарын кэмигэр тугу үлэлииллэрий. Бу туһунан СӨ нэһилиэнньэ дьарыктаах буолуутун кэмитиэтин саайтыгар суруллар. Маныаха табаны иитэр улуустарга табаһыттар оҕолорун өйүүр бырагыраама 2018 сылтан киирбитэ. Тэрээһин сыала — арктика уонна хотугу сир-уот олохтоохторугар өйөбүл быһыытынан, сокуоннай саастарын туола илик оҕолору сайыҥы кэмҥэ үлэлэтии. Оҕолор маныаха төрөппүттэрин аттыгар сылдьаллар, үлэлии үөрүйэхтэнэллэр, төрүт дьарыкка уһуйуллаллар. Сайыҥҥы кэмҥэ үс ый үлэлииллэр.
Эбээн Бытантайга «Ленинскэй» диэн муниципальнай унитарнай тэрилтэ маннык тэрээһиҥҥэ көхтөөхтүк кыттар. Быйыл 11 оҕо табаһыттарга үөрэнэр уонна чуум үлэһиттэригэр көмөлөһөр. Оҕолор табалары харабыллыыллар, улахан дьоҥҥо илии-атах буолаллар.
Сокуоннай саастарын туола илик оҕолору сайыҥҥы кэмҥэ үлэлэтэр таба иитиитинэн дьарыктанар хаһаайыстыбалар субсидиянан туһаналлар.
0
0
Telegram Whatsapp