Орто Халыма Эбээҕэр суол оҥоро барбыт «Беларус» тыраахтар ууга түһэн, улахан араллаан тахсан, нэһилиэк олохтоохторун күүһүнэн хостообуттара. Оттон «ДТ» тыраахтар от тиэйэ бараары, эмиэ күөлгэ түспүтүн нэһиилэ «өрүһүйбүттэрэ». Бу туһунан edersaas.ru сайтка «Саха сирэ» хаһыат эрэллээх ааҕааччыта Людмила Никитина төлөпүөнүнэн иһитиннэрдэ.
Анивера Акимова, «Саха сирэ» хаһыат, https://edersaas.ru/
Дьиҥэр, сыл аайы маннык түбэлтэлэр тахса тураллар. 2015 сыллаахха уматык саппааһа бүтэн, ахсынньы саҥата Абый улууһугар чох тиэниилээх үс «Урал» массыынаны муус уйбакка, Индигир өрүскэ түһэннэр, биир суоппар суорума суолламмыта. Онон, хоту уонна Арктика улуустарыгар суол-иис боппуруоһа сытыытык турар. Сөмөлүөт, бөртөлүөт нэдиэлэ ахсын сылдьыбатын ааһан, салгын тырааныспарынан уматыгы, оту, сүөһү аһылыгын тиэйбэккин.
Ахсынньыга «Беларус» тыраахтар күөлгэ муус анныгар түһэн, олохтоох дьаһалта тэрийбит биригээдэтэ хас да күнү быһа сылдьан, нэһиилэ хостоон аҕалбыттара.
Хоту улуустар отторун «Буранынан» тиэйэллэр.
«ДТ» тыраахтары эмиэ быыһаабыттара.
Анивера Акимова, «Саха сирэ» хаһыат, https://edersaas.ru/