Саха сирин Экологияҕа министиэристибэтэ билигин быыһааччылар уонна баҕа өттүнэн умулларааччылар Эбээх таһыгар умуллара сылдьар баһаардара оттуур сиртэн саҕаламмыт диэн санаалаахтарын СИА иһитиннэрэр.
“Баһаар атын категориялаах сиргэ киирсэр, бу ойуур фондата буолбатах. Умайыы тахсыбыт биричиинэтэ киһи дьалаҕайа буолуон сөп”, — диэтилэр агентствоҕа.
Ааспыт бээтинсэттэн күөдьүйбүт уот 32,4 гектарга тиийдэ. Уоту бохсууга 67 олохтоох киһи, 6 тиэхиньикэ уонна икки мотопомпа туһаныллар. Маны сэргэ ойуур хаһаайыстыбата 4 мотопомпанан, уоту умулларар сүгүллэ сылдьар 13 тэрилинэн хааччыйда.
Бүгүн сарсыарда Орто Халыматтан тыа сирин олохтоохторугар көмөлөһө 10 быыһааччыны уонна баһаарынайы тиэйбит бөртөлүөт кэллэ.
ЫБММ-ҥа эппиттэринэн, Эбээххэ уот турбут биричиинэтин силиэстийэлии дознаватель тиийиэҕэ.
Аркадий Васильев
+1
+1
+1
+1
+1
+1
+1