Бэс ыйын 3-5 күннэригэр Дьокуускайга Бүлүүлүүр тыраакка баар «Аркит» сиргэ «Бакалдын» эбэҥки норуодунай бырааһынньыга ыытыллыаҕа.
Саха сирин эбэҥкилэрин түмсүүтэ уонна Өлөөн улууһа бу күннэргэ сайыны, саҥа сылы көрсөр быраһынньыкка ыалдьыттыырга ыҥырар. Бакалдын диэн эбэҥки тылыттан «көрсүү» диэн тылбааастанар.
Бакалдын 80-с сылларга учуонайдар, эбэҥки тыллаахтар, энтузиастар көмөлөрүнэн сөргүтүллүбүт бырааһынньыгынан буолар. Маныаха «Икэнипкэ» бырааһынньык үгэстэрэ төрүөтүнэн буолбуттар.
Быйылгы Бакалдын Кэнкэмэ үрэх кытылыгар тутуллубут саҥа этнокомплекска ыытыллыаҕа. Сүрүн тэрийээччинэн Өлөөн улууһун салалтата буолар. Бырагыраамаҕа: сиэр-туом, сүрүн чаас, бастыҥ таҥас, национальнай куукуна куонкурустара, ыччат төрүт оонньуулара.
Буолар сирэ: Дьокуускай, Бүлүүлүүр тракт 43-с км.