Маны аах Тырааныспар

Эһиил эмиэ авиа-субсидиянан туһаныахпыт

Дьокуускайтан дойду киин куораттарыгар авиа-субсидиянан көтүү бырагыраамата эһиил эмиэ үлэлиэҕэ.

Бу туһунан Ил Дархан Айсен Николаев сэтинньи ыйдааҕы түмүгү таһаарар интервьютугар «Якутия24» ханаалга иһитиннэрдэ.

— Былырыын Арассыыйа тырааныспарга министиэристибэтэ Дьокуускайы испииһэккэ киллэрбэккэ, Мииринэй, Полярнай уонна Нерюнгри куораттары эрэ киллэрбит этэ. Мин дойду  бэрэсидьиэнин уонна РФ бырабыытылалыстыбатын таһымыгар туруорсубутум эрэ кэннэ, бу боппуруос оннуттан хамсаабыта. Сотору Уһук Илин уокурук куораттарыгар субсидияны аттарыахтара. Биһиги сайаапкабытын эмиэ биэрбиппит. Быйылгы быһыы-майгы хатыламматиын курдук балаһыанньаны хонтуруолга тутабыт, — диэн бэлиээтэ Айсен Николаев.

 

 

Елена ПОТОЦКАЯ, “Саха сирэ” хаһыат, edersaas.ru

 

Хаартыска — discover24.ru

0
0
Telegram @edersaas20