Маны аах Уопсастыба

Эһиил элбэх оҕолоох ыалларга учаастактары түҥэтиэхтэрэ

Дьокуускай куоракка элбэх оҕолоох ыалларга 2000-тан тахса учаастагы тыыран бэлэмниэхтэрэ.  Ол туһунан мээр Евгений Григорьев Instagram-гар ыытыллыбыт быһа эпииригэр анаан-минээн иһитиннэрдэ.

Тыырыллыбыт сирдэри 2022 сылга сэрэбиэй көмөтүнэн ыалларга түҥэтиэхтэрэ. Биллэн турар, бастаан утаа суола-ииһэ ууруллуоҕа, салгыы гаас, уот ситимнэрэ оҥоһуллуохтара диэн куорат салайааччыта быһааран биэрдэ. Жатай утары «Сатал» оройуона баар буолбута ыраатта, чааһынай дьиэлэри тутуу ити  түбэҕэ элбээтэ. Онон сибээстээн,  оскуоланы кытта оҕо саада тутуллуохтара диэн куорат мээрэ бэрт сонуну иһитиннэрдэ. Эбийиэктэр тутуллуохтаах сирдэрэ чуолкайдаммыт.

 

0
0
Telegram @edersaas20