Эһиил Дьокуускай куорат маастар-былаанын оҥорууга куонкурус саҕаланыаҕа

2022 сылга  Дьокуускай куорат  инники сайдыахтаах былаана оҥоһуллуоҕа.  Онон эһиил киин куораппыт маастар-былаанын оҥорууга Бүтүн Арассыыйатааҕы аһаҕас куонкурус биллэриллиэҕэ.

Айсен Николаев «Киин куораппыт сайдыахтаах тосхолун салайарга аналлаах “Дьокуускай куорат сайдыыта 2032 сылга диэри” диэн Ыйаахха бу күһүн илии баттаабытым.  Ити былаанынан аны 10 сылынан киин куораппыт бары өттүнэн, саамай сүрүнэ, дьон олороругар бары өттүнэн сайдыылаах буолара ситиһиллиэхтээх. Ити кэмҥэ социальнай боппуруостартан саҕалаан суол-иис, тырааныспар, инфрастуктура барыта быһаарыллыахтаахтар», — диэн эттэ.