Арассыыйа бэрэсидьиэнэ Владимир Путин 2017 сыл муус устар 25 күнүнээҕи Ыйааҕынан судаарыстыба уонна норуот иннигэр үлэҕэ ураты үтүөлэрин иһин Саха Өрөспүүбүлүкэтин “Хаҥаластааҕы лесничество” судаарыстыбаннай тэрилтэ лесничэйэ (салайааччыта) УСТИНОВА Варвара Михайловнаҕа Арассыыйа Федерациятын Үлэҕэ Дьоруойа үрдүк аат иҥэрилиннэ.
Роман Попов, “Саха сирэ” хаһыат, https://edersaas.ru
Дойду бэрэсидьиэнин Ыйааҕынан Арассыыйа Федерациятын Үлэҕэ Дьоруойа үрдүк аат “Современник” тыйаатыр уус-уран салайааччыта ВОЛЧЕК Галина Борисовнаҕа, «Северное машиностроительное предприятие» производственнай холбоһук монтажник-силиэсэрэ ИВАНОВ Алексей Михайловичка (Архангельскай уобалас), «Научнай-чинчийэр институт — профессор С.В.Очаповскай аатынан 1 №-дээх кыраайдааҕы клиническэй балыыһа кылаабынай бырааһа ПОРХАНОВ Владимир Алексеевичка (Краснодарский край), Татаар Өрөспүүбүлүкэтин судаарыстыбаннай сүбэһитэ, «Татаар Өрөспүүбүлүкэтин историяҕа уонна култуураҕа пааматынньыктарын чөлүгэр түһэриигэ пуонда” коммерческайа суох тэрилтэ попечителлэрин сэбиэтин бэрэссэдээтэлэ ШАЙМИЕВ Минтимер Шариповичка иҥэрилиннэ.
Роман Попов, “Саха сирэ” хаһыат, https://edersaas.ru