Орто Халымаҕа бэйдиэ сылдьар үрүҥ эһэ оҕотун тутан ылан, билигин Дьокуускай куоракка «Орто Дойду» зоопаркаҕа ыытаары бэлэмнии сылдьаллар.
Балаҕан ыйын 27 күнүгэр Орто Халымаҕа Ураты харыстанар сирдэр уонна биоресурсалар дириэксийэлэрин исписэлииһэ Роман Сметанин уонна зоопарка ветеринарнай бырааһа Семен Санников тиийбиттэрэ. Балаҕан ыйын 29 күнүгэр Орто Халыматааҕы Айылҕа харыстабылын иниспиэксийэтин салайааччы Иван Белоногов бөлөҕө тахсан, анал иммобилизатор көмөтүнэн эһэ оҕотун туппуттара. Анал килиэккэ иһигэр уган, Орто Халымаҕа аҕалбыттара. Кыра эһэчээн уопсай туруга үчүгэй. Тыһы эһэ 10 ыйдаах, уһуна — 140 см, үрдүгэ — 73 см, ыйааһына — 85 киилэ. Билигин Дьокуускайга аҕалыы боппуруоһа быһаарыллар. Москватааҕы зоопарка ыларын биллэрдэ.
+1
+1
+1
+1
+1
+1
+1