Сүрүн Успуорт

Дзюдоистка Карина Ефимова Арассыыйа чөмпүйэнээтигэр иккис буолла

Адыгея өрөспүүбүлүкэтин киин куоратыгар дзюдоҕа олимпийскай цикл бастакы чөмпүйэнээтэ ыытылынна. Саха сириттэн сылдьар Карина Ефимова үрүҥ көмүс мэтээли ылары ситистэ.

Бу күннэргэ Майкоп куоракка дзюдоҕа Арассыыйа чөмпүйэнээтэ түмүктэннэ. Дамдин Гомбодорж иитиллээччитэ Карина Ефимова финалга ааһан, Москва кыыһыттан Анастасия Поликарповалыын күрэхтэстэ.

Бу чөмпүйэнээт Парижка ыытыллар кэлэр Олимпиадаҕа кыттыахтаах Арассыыйа сүүмэрдэммит хамаандатын таларга туһуланна. Кыайыылаахтар уонна призердар 2022 сылга Европа уонна аан дойду чөмпүйэнээтигэр кыттыахтара.

 

0
0