UFC чөмпүйүөнэ, булкаастаах киирсиигэ аан дойду бастыҥа Джон Джонс допинг туттубута аналиһыгар көһүннэ диэн UFC сайтыгар суруйбуттар. Аналиһы от ыйын 29 күнүгэр Дэниэл Кормьелыын киирсиэн иннинэ туттарбыт. Ол киирсиигэ Джонс Кормьены атаҕынан тэбэн, нокауттаан кыайбыта уонна чөмпүйүөн үрдүк аатын сүкпүтэ. UFC бэрэсидьиэнэ бу түгэҥҥэ Дана Уайт туох дии илик. Ол эрээри Джон Джонс чөмпүйүөн аатын бигэргэтэр курун былдьыыр туһунан кэпсэтии бара турар дииллэр. 2016 сыллаахха Джонс хааныттан көҥүллэммэт эми булбуттара. Онно быстах кэмҥэ чөмпүйүөн аатын былдьаппыта. Оттон быйыл допиҥҥа бэрэбиэркэни аҕыста туттарбыта даҕаны, тугу да булбатахтара.
Малки Кава, Джон Джонс мененджерэ:
— Бу сонуну истэн баран, соһуйуубуттан саҥарбат да буолбутум. Маннык түбэлтэ тахсыбатын туһугар элбэх быраас, диетолог, тренердэр үлэлээбиттэрэ. Аналиһы хоһуттан бэрэбиэркэлэтиэхпит, сыыһыы тахсыбыт буолуон сөп. Джон күүскэ санааҕа ылларда, уолбутун өйүүбүт, барыта этэҥҥэ буолуоҕа.
Бастакы сураҕынан, Джон Джонс хааныгар күүстээх Туринабол диэн стероид булуллубут.
Николай Попов «Саха сирэ» хаһыат, edersaas.ru