Дзамболат Тедеев: аан дойду Кубогар утарылаһааччыларбытын барыларын кыайыахтаахпыт

Арассыыйа көҥүл тустууга сүүмэрдэммит хамаандатын сүрүн тириэньэрэ Дзамболат Тедеев аан дойду Кубогар барыллаан хапсыһыыларга кимнээҕи кытта күөн көрсөрбүт улахан суолтата суох, биһиги утарылаһааччыларбытын барыларын кыайыахтаахпыт диэн “Новости” РИА-ҕа иһитиннэрдэ.

edersaas.ru

Тедеев күрэстэһээччилэрбит бары олус күүстээхтэр, ол эрээри кутталлаах утарылаһааччынан, бастатан туран, бэйэбитигэр бэйэбит буолабыт, ол инниттэн утарылаһааччыларбытын барыларын кыайыахтаахпыт диэтэ. Уонна аан дойду Кубогар кыттар сүүмэрдэммит хамаанда састааба кэлэр ый саҥатыгар быһаарыллыаҕын эттэ.

Кулун тутар 15-17 күннэригэр Дьокуускайга буолар көҥүл тустууга аан дойду Кубогар бөҕөстөр уон ыйааһыҥҥа күрэстэһиэхтэрэ. Тустуу холбоһуктаах эйгэтин (UWW) сэбиэтэ быһаарбытынан, “А” бөлөххө Арассыыйа, Куба, Япония уонна Турция хамаандалара киирдилэр, “В” бөлөххө АХШ, Грузия, Иран итиэннэ Монголия күөн көрсүөхтэрэ.

Роман Попов, edersaas.ru

Хаартыска Интэриниэттэн ылылынна.