Дьыктааны суруйуу туһунан

Ааптар: 
Бөлөххө киир:

Саха сирин дьоно-сэргэтэ кэнники сылларга ыытыллар “Тотальнай дьыктаан” диэн ааттаах тэрээһини олус сэргээтэ. Дьэ, кинилэр санааларын истиэҕиҥ:

Софья Прокопьева, П.С.Скрябин аатынан 1 Дьөппөн орто оскуолатын саха тылын учуутала:

— Кэнники сылларга саха тылын күнүгэр  дьыктааны суруйар үтүө үгэс үөскээтэ. Төрөөбүт төрүт тылбытын сөпкө, таба суруйар буолуу ытык иэспит буолар дии саныыбын. Дьыктааны сыыһата суох суруйар наадатыгар уус-уран айымньыны, кинигэни элбэхтэ ааҕар туһалаах. Билигин араас саастаах дьон баҕа өттүлэринэн кытталлара олус үөрүүлээх. Ааспыт сылларга оскуолам кэллэктиибигэр, үөрэнээччилэрбэр, олохтоох дьаһалта исписэлиистэригэр суруйтара сылдьыбытым. Бары үөрэ-көтө көхтөөхтүк кытталлара санааны көтөҕөр, күүһүрдэр. Саастаах дьон хайа да оскуола оҕотунааҕар түмүктэрин долгуйа кэтэһэллэриттэн киһи санаата көнньүөрэр. Ийэ тылбытын өйүүр, өйдүүр тэрээһиннэр,  ол иһигэр бу сахалыы дьыктааны суруйтарыы кэхтибэккэ, умнууга хаалбакка салҕанан-сайдан иһиэҕин баҕарабын!

Елена Прокопьева, уопсастыбаннай кэрэспэдьиэн:

—  Уонча сыллааҕыттан бэттэх тотальнай дьыктаан суруйуута саҥа сүүрээн быһыытынан биһиги олохпутугар киирбитэ. Маныаха дьон санаата икки аҥы арахсыбыта. Сорохтор:» Ол эмиэ туохпутуй?» диэн кэтэмэҕэйдээбиттэрэ. Саҥаны » хап» гыннаран көхтөөхтүк кыттан иһээччилэр сэргээбиттэрэ, тута кыттан киирэн барбыттара.

Мин тус бэйэм нуучча тылыгар, географияҕа, этнографияҕа кыттан, үчүгэй түмүктэри көрдөрөммүн, үөрбүтүм-көппүтүм. Былырыын хамсык иннинэ, сурук-бичик күнүгэр П. А. Ойуунускай аатынан литэрэтиирэ муһуойугар латыыныскай алпаабытынан сахалыы дьыктааҥҥа «5» сыананы ылбытым.

Мин санаабар, маннык дьыктааннар ыытыллаллара туох да куһаҕана суох. Киһи бэйэтин тургутан көрөрүгэр билиитин бэрэбиэркэлэнэригэр олус наадалаахтар.

Бэлэмнээтэ Женни Стрюкова

Хаартыска: https://yakutia-daily.ru/

+1
0
+1
0
+1
0
+1
0
+1
0
+1
0
+1
0