Бүгүн уонна сарсын, кулун тутар 27-28 күннэригэр, Дьокуускайга «Дохсун» успуорт комплексыгар сайын Туймаада ыһыаҕар ыытыллыахтаах «Дыгын ооньууларыгар» сүүмэрдиир күрэхтэһии бастакы түһүмэҕэ ыытыллар. Сахалыы многоборьеҕа 12 бөҕөс кыттыыны ылар. Кинилэртэн үс маҥнайгы миэстэни ылбыт боотур «Дыгын оонньууларын» финалыгар кыттыаҕа.
Бастакы сүүмэрдиир түһүмэх кыттааччылара:
— Артем Варданян (Нам),
— Сергей Гоголев (Нам),
— Марк Антонов (Ньурба),
— Айсен Семенов (Өлөөн, Боотур СК),
— Никита Новгородов (Уус Алдан, Боотур СК),
— Дмитрий Петров (Бүлүү, Боотур СК),
— Петр Прудецкай (Үөһээ Дьааҥы, Боотур СК),
— Айсен Елисеев (Чурапчы, Боотур СК),
— Прокопий Колакаров (Ньурба),
— Павел Друзьянов (Чурапчы, Боотур СК),
— Борис Строев (Чурапчы, Боотур СК),
— Владимир Федоров (Ньурба).
Маҥнайгы көрүҥҥэ — «үс төгүл үскэ » Борис Строев (Чурапчы) бастаата, иккис Артем Варданян (Нам), үһүс Петр Прудецкай (Дьааҥы) буоллулар.
Тутум эргиир көрүҥэр Уус Алдантан Никита Новгородов 62-тэ эргийэн кыайыылаах таҕыста. Киниттэн биир эрэ эргииринэн хотторон, Чурапчыттан Айсен Елисеев иккис миэстэ буолла. Оттон Нам бөҕөһө Артем Варданян үһүс буолла.
Онон маҥнайгы икки көрүҥ түмүгүнэн, барыта биэс очукуолаах Артем Варданян бастаан иһэр. Кини кэнниттэн тоҕус бааллаах эмиэ Нам бөҕөһө Сергей Гоголев иккис уонна уон очукуолаах Чурапчыттан Павел Друзьянов үһүс иһэллэр.
Билигин мас тардыһыыта саҕаланна. Күрэхтэһии хаамыытын биһиги саайпытыгар кэтээн көрүҥ.
Виктория Бястинова, edersaas.ru, «Саха сирэ» хаһыат.
Хаартыска — https://www.instagram.com/sportyakutia.ru/