Мария Васильева хаартыската, СИА.
Кэлэр 2024 сылга Саха сиринээҕи национальнай многоборье Федерациятын былаана бигэргэннэ. Барыта 12 күрэхтэһии ыытыллыаҕа. «Дыгын оонньууларыгар» путевка иһин үс турнир ыытыллыаҕа диэн СИА суруйар.
Бастакынан «Дыгын оонньууларын» сэттэ төгүллээх чөмпүйүөнэ Иван Белолюбскай бирииһигэр Куубак олунньу 17-18 күннэригэр Уус Алдан улууһугар тэриллиэҕэ. Успуорт 7 көрүҥэр киирсиэхтэрэ. Манна «Дыгын оонньууларыгар» түөрт путевка туттарыллыаҕа.
Өссө түөрт путевканы өрөспүүбүлүкэ чөмпүйэнээтигэр ылыахтара, тэрээһин Дьокуускайга кулун тутар 13-14 күннэригэр ыытыллара былааннанна.
Өссө түөрт путевка киин куоракка муус устарга ыытыллар сүүмэрдиир түһүмэххэ бэриллиэҕэ.
«Дыгын оонньуулара» сайын Туймаада ыһыаҕар тэриллэр.
+1
+1
+1
+1
+1
+1
+1