Бүгүн уонна сарсын, ахсынньы 5-6 күннэригэр, Дьокуускай куоракка «Өрөгөй» успуорт комплексыгар «Дыгын оонньуулара» ыытыллаллар.
Кыайыылаах аатын иһин 13 боотур илин-кэлин киирсэр: Леонид Филиппов (Амма), Иннокентий Колесов (Кэбээйи), Никита Новгородов (Уус Алдан), Егор Свинобоев (Мэҥэ Хаҥалас), Николай Матаннанов (Таатта), Дьулустаан Ноговицын (Горнай), Егор Филиппов (Хаҥалас), Павел Друзьянов (Чурапчы), Алексей Протодьяконов (Томпо), Владимир Федоров (Ньурба), Алексей Уваровскай (Кэбээйи), Артем Варданян (Нам), Айсен Семенов (Өлөөн).
Бүгүн «үс төгүл үс» ыстаҥа, тутум эргиирэ уонна мас тардыһыы түһүмэхтэрэ ыытыллаллар.
Бастакы түһүмэх — «үс төгүл үс» ыстаҥа:
1 миэстэ — Егор Филиппов — 33 м 87 см;
2 миэстэ — Алексей Уваровскай — 32 м 38 см;
3 миэстэ — Николай Матаннанов — 32 м 90 cм;
Уолаттар ыстаныыларын туһунан «Дыгын оонньууларын» хас даҕаны төгүллээх чөмпүйүөнэ Николай Дьяконов: «Егор Филиппов бэйэтин көрүҥүгэр бастаата. Соһуччу буолбатах. Ыстаныыга мин Артем Варданян, Владимир Федоров көрдөрүүлэрэ арыый мөлтөөбүт диэн көрдүм«, — диэн эпиир кэмигэр санаатын эттэ.
Бүгүн 13-с миэстэни ылбыт уол күрэхтэһиитэн туоруур, салгыы кыттыбат.
edersaas.ru