Успуорт

«Дыгын онньууларын» бастакы күнэ түмүктэннэ

Саха омук өбүгэ саҕаттан илдьэ кэлбит успуорт төрүт көрүҥнэригэр «Дыгын ооннууларыгар» күрэхтэһии бастакы күнэ түмүктэннэ.

Саха сирин араас муннугуттан бастыҥтан бастыҥнар, күүстээхтэн күүстээхтэр Леонид Филиппов (Амма), Вячеслав Дьяконов (Нам), Дьулустаан Ноговицын (Горнай), Николай Матаннанов (Таатта), Егор Филиппов (Хаҥалас), Тимофей Большаков (Сунтаар), Артем Варданян (Нам), Владимир Федоров (Ньурба), Павел Друзьянов (Чурапчы), Дмитрий Петров (Бүлүү), Никита Новгородов (Уус Алдан), Айсен Елисеев (Дьокуускай) «Туймаада» стадион уораҕайыгар күөн көрүстүлэр.

Бастакы түһүмэххэ «Үс төгүл үс» төрүт ыстаҥа көрүҥэр бастакы миэстэни мөккүөрэ суох Дыгын оонньууларын түөрт төгүллээх кыайыылааҕа Егор Филиппов 35.85 м ыстанан эрэллээхтик бастаата, иккис миэстэҕэ Тааттаттан төрүттээх Николай Матаннанов — Хоһуунай — 32,71 м, үһүскэ 32,27 м Дыгын оонньууларын алта төгүллээх кыайыылааҕын Николай Дьяконов уола Вячеслав Дьяконов таҕыста.

Тутум эргииригэр 2 мүнүүтэ иһигэр тутум эргийдилэр. Бу көрүҥҥэ бастакы миэстэни эрэллээхтик Вячеслав Дьяконов -70 эргийэн «Дыгын ооннууларын» саҥа рекордун олохтоото, иккис миэстэҕэ  Уус Алдантан Никита Новгородов таҕыста, үһүс миэстэни Чурапчыттан Павел Друзьянов ылла.

Үһүс түһүмэххэ мас тардыһыыта бүгүҥҥү күҥҥэ тыҥааһыннаах оонньуулары көрдөрдө.

Мас тардыһыытыгар күрэхтэһии түмүгүнэн:
бастакы миэстэ — Дьулустаан Ноговицын (Горнай),

иккис миэстэ — Владимир Федоров (Ньурба),

үһүс миэстэ — Николай Матаннанов (Таатта).

Хомойуох иһин, бу үс көрүҥҥэ этэҥҥэ баран иһэн, мас тардыһыытыгар күрэхтэһэ сылдьан Дыгын оонньууларын хас да төгүллээх кыайыылааҕа Хаҥалас улууһуттан сылдьар Егор Филиппов атаҕар эчэйиини ылла.

Бүгүҥҥү күн уопсай түмүктэрэ:

 

Тыҥааһыннаах быһаарыылаах  киирсиилэри сарсын салгыы көрүөхпүт.

Надежда Ильина, «Эдэр саас»

Хаартыскалар СИА сайтыттан ылылыннылар

1
0