Маны аах Успуорт

Дыгын боотурдара аны «Манчаары оонньууларын» многоборьетыгар күрэхтэһэллэр

Национальнай многоборье көрүҥэ «Манчаары оонньууларын» биир сүрүн түһүлгэтинэн буолара күүтүллэр. Кыайыы уонна мэтээл иһин өрөспүүбүлүкэ бастыҥ боотурдара күрэхтэһиэхтэрэ.

Ол курдук, 70 киилэттэн үөһээ ыйааһыҥҥа Хаҥаластан Егор Филиппов, Чурапчыттан Петр Старостин, Намтан Артем Варданян, Тааттаттан Николай Матаннанов, Усуйаанаттан Алексей Козлов, Ньурбаттан Владимир Федоров, Дьокуускайтан Павел Друзьянов, Томпоттон Алексей Протодьяконов, Кэбээйиттэн Иннокентий Колесов кыттыахтара. Бу ыйааһыҥҥа сүүрбэччэ многоборец кыттара былааннанар.

70 киилэҕэ диэри ыйааһыҥҥа Сунтаартан Тимофей Большаков, Кэбээйиттэн Алексей Уваровскай, Уус Алдантан Никита Новгородов, Дьокуускайтан Айсен Елисеев, Ньурбаттан Николай Обоев, Чурапчыттан Андрей Пугачев, ХИФУ-ттан Дмитрий Ноев уо.д.а. күрэхтэһиэхтэрэ. Бу ыйааһыҥҥа эмиэ сүүрбэччэ спортсмен кыттыаҕа.

Национальнай многоборьев бырагырааматыгар биэс көрүҥ киирдэ: үс төгүл үс, тутум эргиирэ, мас тардыһыы, хапсаҕай уонна 400 миэтэрэҕэ сүүрүү. Күрэхтэһии от ыйын 7 күнүттэн 11 күнүгэр диэри ыытыллыаҕа.

Хаартыска — yakutia-daily.ru

1
0