Саха сирин норуоттарын ахсыс спортивнай оонньууларыгар дуобат күрэҕэр уон хамаанда кыттан, бастыыр иһин илин-кэлин түһүстүлэр. Манна 11 гроссмейстер, 20-тэн тахса аан дойду чөмпүйүөннэрэ кытыннылар диэн ыстаарсай судьуйа Гаврил Винокуров эттэ.
Хас да күннээх сытыы киирсиилэр түмүктэринэн, бүгүн кыайыылаахтар ааттара билиннэ. Ол курдук Уус Алдан улууһун бастакы хамаандата бастаата. Хамаандаҕа Николай Гермогенов, Максим Павлов, Алена Большакова, Анатолий Протодьяконов, Ирина Дьячковская оонньоотулар. Кыайыылаах хамаанда тириэньэрэ Алексей Троев.
Иккис миэстэни чурапчылар ыллылар. Хамаандаҕа Гаврил Колесов, Николай Варламов, Матрена Ноговицына, Айсен Андреев, Аяника Колодезникова бааллар.
Үһүс миэстэҕэ Дьокуускай куорат хамаандата таҕыста. Хамаандаҕа Николай Стручков, Руслан Колодезников, Сайыына Попова, Василий Кычкин, Наталья Шестакова оонньоотулар.