“Дьулуур” оҕо хамсааһынын смената 200 тахса лиидэри түмтэ...
Олох-дьаһах

“Дьулуур” оҕо хамсааһынын смената 200 тахса лиидэри түмтэ

Кулун тутар 16 күнүгэр, “Бэс чагда” сынньанар уонна эмтэнэр киинигэр, «Дьулуур” оҕо биир сомоҕо хамсааһынын профильнай сменатын аһыллыыта буолла. Барыта 17 улуустан уонна куорат уокуруктарыттан 229 кыттааччы муһунна. Кинилэр манна икки нэдиэлэ устата үөрэниэхтэрэ. Манна даҕатан эттэххэ, быйыл оҕо биир сомоҕо хамсааһына тэриллибитэ 25 сыла. Онон былаан улахан.

Чэлгийээнэ Бахсырова, «Саха сирэ» хаһыат, edersaas.ru


Оҕолор манна элбэххэ үөрэниэхтэрэ. Ол курдук, араас түмсүүлэри, тэрээһиннэри сатаан салайарга, социальнай бырайыактары оҥорорго, дьон иннигэр толлубакка саҥарарга-иҥэрэргэ уһуйуллуохтара, маастар-кылаастарга сылдьыахтара.

“Дьулуур” хамсааһын  “Куорсун буойуттара”, “Олоҥхо сирин салҕааччылара”, “Урбаанньыттар”, Үүтүөнү оҥорооччулар”, “Эдэр правоведтар”, “Эдэр экологтар”, “Эдэр баһаатайдар”, “Айар үлэ уустара” диэн хайысхаларынан үлэлиэхтэрэ. Бу күннэр усталарыгар кинилэри Саха сирин 11 бастыҥ баһаатайа үөрэтиэ, сүбэ-ама биэриэ.

Профильнай сменаны салайааччы, “Дьулуур” оҕо биир сомоҕо хамсааһын Координационнай киинин дириэктэрэ Александра Антоева: “Биһиги кэнчээри ыччат үлэлиир баҕатын өрүкүтэр, дьоҕурдарын арыйар, уопсастыбаннай үлэҕэ көхтөөх буолалларын ситиһэр сыаллаах-соруктаах үлэлиибит,” – диэн этэр. Кэнчээри ыччакка СӨ ыччат уонна дьиэ кэргэн миниистирин солбуйааччы Алексей Щербаков, “Дьулуур” оҕо биир сомоҕо хамсааһынын салайааччы Геннадий Охлопков, “Кэскил” оҕо хаһыатын сүрүн эрэдээктэрин солбуйааччы Анисия Иевлева истиҥ эҕэрдэлэрин тиэртилэр.

Үөрүүлээх тэрээһиҥҥэ оҕолор гитараҕа оонньоотулар, ыллаатылар-туойдулар, үҥкүүлээн тэйдилэр. Бу күн флеш-моб бэртээхэйэ, кутаа тула ырыалар, араас туруоруулар болҕомтону тартылар. Геннадий Охлопков ыыппыт викторинатыгар көхтөөхтүк кытыннылар, сөптөөх хоруй иһин бэртээхэй бириистэри тутан үөрдүлэр.

Чэлгийээнэ Бахсырова, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

восемь + девять =