«Ыччат көҕүлээһиннэрэ» продюсердыыр киин «Дьулуур: мас-рестлинг» киинэ официальнай постерын таһаарда. Онно суруллубутунан, саҥа киинэ киэҥ эйгэҕэ 2022 сыл кулун тутар 3 күнүттэн көстүөҕэ.
Киинэҕэ аармыйаттан саҥа сулууспалаан кэлбит Дьулуур диэн уол туһунан көстүөҕэ. Дьулуур төрөөбүт нэһилиэгэр кэлэн эбээтин уонна балтын Күннэйи кытта олорор. Дьылҕа Хаан оҥоруутунан, Дьулуур мас тардыһыыга күрэхтэһэн, бэйэтигэр саҥа талааны арыйар. Ол эрээри соһуччу биир түгэн кини инники былааннарын барытын ыһар…
Киинэҕэ сүрүн оруолу Саха сиригэр киэҥник биллэр артыыстар Гавриил Менкяров («Айыы Уола»), Иннокентий Луковцев («Нуучча», «Мин үрдүбэр күн хаһан да киирбэт»), Роман Дорофеев, Айталина Лавернова, Владимир Михалев уо.д.а. уһулуннулар.
Киинэ режиссера — Саха тыйаатырын артыыһа Валентин Макаров. Продюсердар — Филипп Абрютин, Оксана Лахно уонна Иннокентий Луковцев.
«Дьулуур: мас-рестлинг» киинэ РФ култуураҕа министиэристибэтин өйөбүлүнэн уһулунна.