Дьулустаан Иванов: Оҥорон таһаарыы өрө тахсыан сөп (ВИДЕО)

Ааптар: 
Бөлөххө киир:

Арассыыйа уонна Украина сыһыаннаһыыларыттан итиэннэ тас дойдулар сааҥсыйалары биллэрэннэр, аан дойду үрдүнэн экэнэмиичэскэй кириисис ытарчалыы хам ылыа диэн сорох эспиэртэр сылыктыыр буоллулар. Ордук  халыҥ харчылаах урбаанньыттар, валютанан үтүмэн уурунуулаах дьон уйаларыгар уу киирдэ. Нэһилиэнньэҕэ, дьоҕус, орто урбаанынан дьарыктанааччыларга инникитин быһыы-майгы хайдах буолуой? Бу туһунан  “Сэмсэ санаа” биэриигэ “Саха сирэ” хаһыат кылаабынай эрэдээктэрэ Чокуур Гаврильев  “Focuspro_ykt” консультационнай киин төрүттээччитэ Дьулустаан Иванову кытары кэпсэттэ.

Дьулус Иванович этэринэн, сааҥсыйалартан сылтаа сырьевой салааҕа балаһыанньа мөлтүөн сөп. Ол оннугар оҥорон таһаарыыга кыах үөскээтэ.  Нэһилиэнньэ дохуота быдан намтаан, атыы-эргиэн өттүгэр атыы-тутуу эмиэ аҕыйыыр. «Кириисис өссө кымньыылаатаҕына өҥөнү оҥоруу ырыынагар балаһыанньа кытаатар. Эрэстэрээҥҥэ, кафеҕа сылдьааччы, туристическай өҥөнөн туһанааччы аҕыйыыр.  Оҥорон таһаарыынан, айтинан дьарыктаныахха сөп», — диир кини.

Видеота:

«Чугастааҕы икки-үс сылга олохтоох оҥорон таһаарыы күүһүрүөн сөп дии саныыбын. Тоҕо диэтэр, биһиги чэпчэки сыанаҕа үөрэнэн хаалбыппыт. Сырьебутун таска таһаарарга  уонна атын сиртэн табаары ыларга үөрэнэн хаалбыппыт. Өскөтүн ол сыаната ыараатаҕына, манна бэйэбит сирбитигэр табаары оҥорон саҕалыахпыт», — диир эспиэр.

Интервьюну толору «Саха сирэ» хаһыат сарсыҥҥы нүөмэригэр ааҕаарыҥ.

Интервью видеота (25 мүн)

«Саха сирэ» хаһыат

+1
0
+1
0
+1
0
+1
0
+1
0
+1
0
+1
0