«Якутлесресурс» судаарыстыбаннай автономнай тэрилтэ салайааччыта Дьулустаан Хон «Сэмсэ санаа» биэриигэ ойуур баһаарын утары ыытыллар үлэ туһунан, быйыл төһө үп-харчы быйыл көрүллүбүтүн сиһилии кэпсээтэ.
Дьулустаан Иванович этэринэн, быйыл былырыыҥҥыга холоотоххо ойуур быдан аҕыйахтык умайбыт.
Картаны көр:
Быйыл от ыйын ортотугар диэри баһаар турбут, ойуур сиэбит сирэ-уота харанан көстөр.
Былырыыҥҥы хартыына (2021 сыллааҕы дааннайдар)
Дьулустаан Хон кэпсииринэн, методика уларыйан, быйыл Саха сиригэр ойуур баһаарын утары үлэҕэ анаан федеральнай бүддьүөттэн 5 төгүл элбэх үп (1 миллиартан элбэх) көрүллүбүт. Инньэ гынан, аҥардас «Якутлесресурс» тэрилтэ үлэһитин ахсаана 192-тэн 564-кэ тиийэ элбээбит. Араас техника ылбыттар. Кини этэринэн, ойуур баһаарын 77% икки суукка иһигэр умуорар буолбутта. Манна даҕатан эттэххэ, Ил Дархан Айсен Николаев 60% биир сууккаҕа умуорабыт диэн этэн турардаах.
Интервью сиһилии Саха НКИХ ханаалыгар уонна от ыйын 28 күнүгэр чэппиэрдээҕи «Саха сирэ» хаһыакка тахсыаҕа.
edersaas.ru