Сунтаарга эдэркээн Дьулус Андреев эмтэнэригэр аһымал кэнсиэр толору саала киһилээх олус бэркэ ааста.
edersaas.ru, Мария Кобельянова
Култуура салалтатын үлэһитин Саргылана Меркурьева салайыытынан Дьулус үлэлиир тэрилтэтэ Сунтаардааҕы технологическай колледж көмөтүнэн улахан аһымал кэнсиэр туран, уопсайа 902 250 солк. киирдэ. Кэнсиэркэ Дуолан, Анна Игнатьева курдук сулустартан саҕалаан хаһан да сыанаҕа тахсыбатах талааннаахтар кытыннылар. Кэнсиэр кэмигэр тэрилтэлэр, түмсүүлэр, сүрүннээн колледж туруорбут бириистэрэ оонньоннулар. Ону кытта аһымал дьааһыкка тэрилтэ, түмсүү салайааччылара үбүнэн көмө буоллулар.
Аҥардас култуура тэрилтэлэрэ: Култуура салалтата, Кыыл Уолун түмэлэ, Сибиэрэп киинэ, Кииннэммит библиотека, «Партизан» НАТК, Аллыҥа, Кэмпэндээйи кулууптара кыттыһан 70.000 тахса солк. көмө буоллубут. Кытаат Дьулус үтүөр!
Мария Кобельянова-Тускулаана, Сунтаар