Дьааҥы Дулҕалааҕар (Томтор сэл.) эмиэ улахан уу кэлэн, дьон олоҕор-дьаһаҕар улахан хоромньуну таһаарда. Манна уу таһыма 999 см тиийбитэ (муҥутуур таһым – 950). Онон бөһүөлэк сүүс бырыһыана ууга барбыт.
— Бу халааҥҥа 50 ыал дьиэтигэр уу киирдэ. 45 ыал тэлгэһэлэригэр, омуһахтарыгар, баанньыктарыгар, оҕуруоттарыгар (тэпилииссэ) эмиэ уу халыйан киирбитэ. Былырыыҥҥы кур оппут эмиэ ууга уһунна. Билигин уу, дьэ, саҥа түһэн эрэр. Бу үөскээбит балаһыанньанан 21 оҕону Дьокуускайга лааҕырга ыыттыбыт. Бөһүөлэктэн 15 киһи көһөрүлүннэ, кинилэр атын сиртэн сайылыы кэлбит дьон. Эвакопуун тэрийбиппит. Манна билигин сэттэ киһи олорор. Бу халаан кэмигэр Дьокуускайтан Арассыыйа ЫБМ Саха сиринээҕи сулууспатын 2 үлэһитэ, Быыһыыр сулууспа 5 үлэһитэ дьуһуурунайдаатылар. Гуманитарнай көмөҕө тохтоотоххо, нэһилиэнньэҕэ иһэр ууну аҕалбыттара. Бүгүн бородууктаны кууһунан аҕалыахтара, — диэн кэпсээтэ Дулҕалаах баһылыга Дмитрий Колесов.
Бэлэмнээтэ Женни Стрюкова
Хаартыскаҕа: интэриниэттэн