Дулҕалаах ходуһалара ууга тураллар

Ааптар: 
Бөлөххө киир:

Халааҥҥа түбэспит Дулҕалаахха кимнээх көмөлөһө тиийбиттэрин манна ааҕыҥ.

Дьааҥы Дулҕалаах нэһилиэгэр тахсыбыт халаан уутун хоромньутун  бырабыыталыстыба анал хамыыһыйата кэлэн ааҕан-суоттаан  барбыта. Нэһилиэк баһылыга Дмитрий Колесов иһитиннэрбитинэн, билигин бөһүөлэккэ уон киһилээх устудьуоннар тутар этэрээттэрэ тиийэн, көмөлөһө сылдьар. Манна хочуолунай уонна таас чох ууга тураллар. Онон устудьуоннар  ууга турар хочуолунайтан ууну ыытыыга үлэлииллэр. Сорохторо дьыссаат сабараанньатын көтүрэллэр, кэтэх ыалларга көмөлөһөллөр.

— Билигин тыа хаһаайыстыбатыгар тахсыбыт ночооту ааҕабыт. Ол курдук, сайылыктарынан, оттуур сирдэринэн сылдьабыт. Ходуһаларбыт барыта ууга тураллар, онон билиҥҥи туругунан хайдах даҕаны оттуур кыаҕа суох олоробут. Сылгылар үөһээ сиргэ тахсыбыттарынан билиҥҥитэ ахсааннарын чопчулуу  иликпит.  Кэлэн барбыт хамыыһыйа тутуу матырыйаалынан эҥин көмөлөһүөхпүт диэбитэ. Гуманитарнай көмө кэлэ турар. Килиэби, иһэр ууну, аһы-таҥаһы аҕалбыттара. Бэҕэһээ мотопуомпаны, сылааһынан үрэр пушканы ыыппыттара. Бөһүөлэкпит аҥаара киин ититиигэ холбонон олорбуппут, биир түөлбэбит маһынан оттор. Ол түөлбэ оттук маһа, биллэн турар, ууга барда. Ыаллар кур отторо эмиэ. Уу кэлэн иһэрин туһунан сэрэтиллибит буолан, кыайарбытынан син бэлэмнээх көрсүбүппүт эрээри, айылҕа содулун кытта туруулаһар уустук эбит. Хаалбыт кэмҥэ халаан содулун туоратарга турунабыт, — диэтэ баһылык Дмитрий Колесов.

Бэлэмнээтэ Женни Стрюкова

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0