Сүрүн Уопсастыба

Дугуйдааннаах Мичили наҕараадалаатылар

Саха АССР тэриллибитэ 100 сылынан «Тымныы Полюһуттан —Москваҕа» диэн саха сылгытынан айан кыттыылаахтара Дугуйдаан Винокуров уонна Мичил Неустроев «Гражданскай килбиэн» бэлиэнэн наҕараадаланнылар. Итиэннэ Дугуйдааҥҥа 500 тыһыынча солкуобайдаах сэртипикээти туттардылар. 

Ил Дархан Айсен Николаев сылгыһыт уолаттары уонна кинилэр дьиэ кэргэннэрин кытта Москваҕа бастайааннай бэрэстэбиитэлистибэҕэ көрүстэ. Кинилэр дьоруойдуу айаннара өрөспүүбүлүкэни киэҥ сиргэ ааттаппытын, саха сылгытын тулуурун, дьулуурун дакаастаабыттарын бэлиэтээн эттэ.

Көрсүһүүгэ Дугуйдаан Винокуров Ил Дарханы кытта саха сылгытынан туризмы сайыннарыы туһунан кэпсэттэ. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

2
0
Telegram Whatsapp