Дудкин аатынан судаарыстыбаннай бириэмийэни Афанасий Архипов ылла
2017 сылга сибээс уонна иһитиннэрэр технологияларга П.И.Дудкин аатынан Саха Өрөспүүбүлүкэтин Судаарыстыбаннай бириэмийэтин аныыр туһунан Саха Өрөспүүбүлүкэтин Ил Дарханын Ыйааҕа.
Саха Өрөспүүбүлүкэтин Ил Дарханын 2015 с. балаҕан ыйын 8 күнүнээҕи “Саха Өрөспүүбүлүкэтин судаарыстыбаннай бириэмийэлэрин туһунан балаһыанньалары бигэргэтэр туһунан” 660 №-дээх Ыйааҕар сөп түбэһиннэрэн, 2017 сылга сибээс уонна иһитиннэрэр технологияларга П.И.Дудкин аатынан Саха Өрөспүүбүлүкэтин Судаарыстыбаннай бириэмийэтин аныыр Хамыыһыйа этиитин көрөн баран, уурабын:
Өрөспүүбүлүкэ почтатын сибээһин сайыннарыыга уонна тупсарыыга уһулуччулаах үтүөтүн, туһанааччылары хаачыстыбалаахтык уонна кэмигэр хааччыйыыга туһуламмыт технологиялары оҥорбутун уонна тупсарбытын, производствоҕа үрдүк ситиһиилэри көрдөрбүтүн, оҥоһуллар өҥө үрдүк хаачыстыбатын, Саха Өрөспүүбүлүкэтин социальнай-экономическай сайдыытыгар сүҥкэн кылаатын иһин 2017 сылга сибээс уонна иһитиннэрэр технологияларга П.И.Дудкин аатынан Саха Өрөспүүбүлүкэтин Судаарыстыбаннай бириэмийэтин аныырга уонна лауреат аатын иҥэрэргэ
Архипов Афанасий Степановичка, почта сибээһин бэтэрээнигэр, Дьокуускайдааҕы почтамт 1980 сылтан 2002 сылга диэри начаалынньыгар, Үлэ Кыһыл Знамятын уордьанын кавалерыгар, Саха АССР сибээһин үтүөлээх үлэһитигэр, Дьокуускай куорат.
Саха Өрөспүүбүлүкэтин Ил Дархана
Дьокуускай к.
2017 сыл муус устар 26 күнэ
1861 №-дээх.
Афанасий Архипов сибээскэ 17 сааһыттан үлэлээбитэ. Атынан уонна табанан кытта почтаны ыраах хоту арыаллыыра. Кини Бүлүү оройуонугар Үгүлээккэ сэбиэдиссэйинэн, салгыы Өймөкөөҥҥө начаалынньыгы солбуйааччынан үлэлээбитэ. 1980 сылтан 2002 сылга диэри Дьокуускайдааҕы почтамт начаалынньыгынан таһаарыылаахтык үлэлээн, тэрилтэни атаҕар туруорбута. Талааннаах тэрийээччи Сибээс мусуойун сайдыытыгар эмиэ өҥөлөөх.