Бу күннэргэ СӨ доруобуйаларыгар хааччахтаах оҕолору реабилитациялыыр киин уонна «Искра» уопсастыбаннай тэрилтэ Арассыыйа Бэрэсидьиэнин граныгар кыайбыт холбоһуктаах бырайыактарын сүрэхтээтилэр.
edersaas.ru
«Церебральнай параличтаах оҕолору эмтиир физкультура» бырайыак быйылгы РФ Бэрэсидьиэнин гранын 1-кы этаабын ситиһиилээхтик ааһан, кыайыылааҕынан биллэриллибитэ. Бу бырайыак Дьокуускай к. уонна куорат таһынааҕы бөһүөлэктэргэ олорор ДЦП-лаах оҕолорго туһуламмыт.
Ыарыһах оҕолорун доруобуйаларын чөлүгэр түһэриигэ уонна харыстыырга анаммыт сабыылаах былаһааккаҕа анал тренажердар, спортивнай мааттар, гамактар уо.д.а. маннык ыарыылаах оҕолорго анаммыт араас тэриллэр бааллар.
