Соторутааҕыта Автодорожнай уокурукка, чуолаан ДСК оройуонугар, бэйдиэ сылдьар ыттар аһары элбээбиттэрин туһунан социальнай ситимнэргэ тарҕаммыта.
Автодорожнай уокурук салайааччыта Артур Аргунов, кини солбуйааччыта Иван Степанов уонна кыыллары тутар пуун үлэһиттэрэ анал массыынанан бэйдиэ сылдьар ыттары тутар анал та рейдэҕэа таҕыстылар. Дротигынан ыттары утутан тыыннаахтыы тутан, уопсайа алта ыты туттулар. Иван Степанов иһитиннэрбитинэн, сүүрбэттэн тахса ыттан алтатын туппуттар. Маны сэргэ, дьааһык ловушка уурбуттар.
Бэйдиэ сылдьар ыттар үксүлэрэ моонньуларыгар ошейниктаахтар. Ол аата кимнээх эрэ бас билэр ыттара. Дьон даачаларыгар ыттары сайын устата харабыллатан баран, сезон бүтэн, босхо ыытан кэбиспиттэрэ куорат кытыытынааҕы оройуоннарга кутталламмыттар. Бу аҥардас ДСК-ҕа эрэ буолбакка, бүтүн куорат кыһалҕата буолбута ыраатта.
Ыттары чииптээһин бытааннык барар. Биирдии ыты дротигынан ытарга, туран биэрбэт. Оттон сүүрэ сылдьалларын эккирэтиһэр уустук. Дьоҥҥо кутталынан суоһуур түөрт атахтаах доҕоттор наадалар дуо? Өскөтүн, ыты тутар питомниктарга миэстэ суох буоллаҕына, куораппытыгар хаһан холкутук, оҕолорго саба түһүөхтэрэ суоҕа диэн куттаммакка сылдьабыт?
Ульяна Захарова.