Соторутааҕыта Тулагы нэһилиэгэр саха маҥнайгы дьахтар драматура, оҕо суруйааччыта Мария Обутова-Эверстоваҕа аналлаах саха балаҕанын үөрүүлээхтик арыйыы буолла.
edersaas.ru
Балаҕаны суруйааччы оҕолоро, сиэннэрэ, хос сиэннэрэ, ким тугу кыайарынан-сатыырынан үгүс сыраларын биэрэн туппуттар.
Көмүс тарбахтаах улахан күтүөт, ааттаах мас ууһа Григорий Яковлев бырайыагынан, салалтатынан суруйааччы ийэ кылыныгар, үйэлээх өйдөбүнньүк тутулунна.
Нэһилиэк баһылыга Егор Попов олохтоох Култуура уонна духуобунас киинигэр М.П. Обутова-Эверстова аата иҥэриллэрин иһитиннэрэн, үөрүүнү өссө үрдэттэ.
Ыраахтан-чугастан кэлбит ыалдьыттарга алгыс бастыҥын анаатылар, ырыа үтүөтүн ыллаатылар.
Мустубут дьон саҥа уораҕай мусуой-балаҕан эрэ быһыытынан буолбакка, араас талба талааннары түмэр, үүннэрэр алгыстаах алаһа буоларыгар баҕа санааларын эттилэр.
Евдокия НИКОЛАЕВА,
Дьокуускай к.
+1
+1
+1
+1
+1
+1
+1