Күндү Аҕа дойду Улуу сэриитин кыттыылаахтара, тыыл бэтэрээннэрэ!
Ытыктабыллаах Саха сирин олохтоохторо!
Саха Өрөспүүбүлүкэтин салалтатын уонна тус бэйэм ааппыттан эһигини Улуу Кыайыы күнүнэн эҕэрдэлиибин!
Ыам ыйын 9 күнэ – Арассыыйаҕа саамай улуу уонна ытыктанар бырааһынньык. Биһиги бүтүн эпохаҕа киэҥ хабааннаахтык буолбут түгэни дириҥник ылынан туран, бу күнү үөрэ-көтө, долгуйа көрсөбүт.
Фашизмы кыайыы киһи ааҕан сиппэт эрэйин-муҥун уонна сүтүгүн түмүгэр, улуу норуот хорсун быһыытынан уонна бэйэни харыстаммат үлэтинэн ситиһиллибитэ. Биһиги Ийэ дойдубут чиэһин уонна тутулуга суох буолуутун көмүскээбит буойуннарбыт хорсун быһыыларынан киэн туттабыт. Биһиги Аҕа дойду Улуу сэриитин туһунан кырдьыгы өрүү харыстыахпыт уонна биһиги дьоруойдарбыт көмөлөрүнэн билигин эйэлээх уонна көҥүл олоххо олорорбутун өрүү өйдүөхпүт.
Дьоруойдарга үйэлэргэ албан аат! Бэйэлэрин олохторун төрөөбүт дойдуларын көҥүлүн туһугар толук уурбуттарга үйэлээх өйдөбүл! Хорсун быһыыгыт, эр санааҕыт уонна дьоруойдуу быһыыгыт иһин сүгүрүйэбит!
Күндү доҕоттор! Бу сырдыгынан сыдьаайар күн бука барыгытыгар нус-хас олоҕу, чэгиэн доруобуйаны, дьолу-соргуну уонна эйэлээх халлааны баҕарабын! Улуу Кыайыы күнүнэн!
Айсен Николаев, Саха Өрөспүүбүлүкэтин Ил Дархана.