Хаартыска: Айсен Николаев телеграм-ханаалыттан.
Сунтаар хорсун ыччата
Суоһар сэрии уотугар
Ийэ сирин туһугар
Итии хаанын тохпута…
«Сунтаар, Сунтаар !» диэн тылы
Морпех бүттүүн истэрэ,
Саха уолун хорсунун
Морпех бүттүүн билэрэ!
Гвардеец ааттааҕа
Сыалы бэркэ табара,
Гвардеец чулуута
Самнан биэрбэт саҥнааҕа!
Тиһэх суолга атааран,
Саха сирэ хараастар…
Саллаат уолун сүтэрэн,
Аҕа киһи айманар…
Дьоруой килбиэн сулуһун
Киниэхэҕэ туттарда
Кыырыктыйбыт баттахтаах
Дьоһун мааны адмирал.
«Маннык уолу ииппиккэр
Махтанабыт!» — диэн этэр,
Эр санааны баҕарар,
Эр киһилии уоскутар!
Дьоруой сулуһун килбиэнэ
Сүрэхтэри уматтын,
Дима уолбут мөссүөнэ
Сүүһүнэн сыл сүппэтин!
Елена Прокопьева, Мэҥэ Хаҥалас, «Таммахтар» айар холбоһук.
+1
6
+1
+1
1
+1
+1
+1
+1