«Фтизиатрия» научнай-практическай киин тэрийэр уонна научнай үлэҕэ дириэктэри солбуйааччы, м.н.д. Мария Винокурова социальнай ситимнэринэн быһа биэриигэ ыйытыыларга хоруйдаата.
Ыйытыы: —Хоруона хамсыгын сибикитэ билиннэрбэккэ ыарытыннардаҕына, тыҥаҕа син биир охсор дуо?
Хоруй: — Сибикитэ биллибэккэ ыарытыннарыыны билигин да чинчийэллэр. Оннук ыалдьыбыт киһи тыҥатыгар син биир фибрознай уларыйыылар бараллар. Ол барыта ыарыы тыҥаны төһө мөлтөппүтүттэн, кэбирэппититтэн, ыарыы истиэпэниттэн тутулуктанар. Ону сэргэ, кэиһиэхэ дьаҥы утарар кыаҕын — иммунитетын мөлтөтүөн сөп, дьаҥнаабыт киһи атын уорганыгар оҕустарыан сөп. Сэбиргэхтэтиигэ өссө кутталлаах группаҕа киирсэр дьон эмиэ бааллар.
Ковидынан ыалдьыбыт дьоҥҥо методическай рекомендациялар түргэнник саҥардыллан иһэллэр. Сыл бүтүүтүгэр, саас диэки доруобуйа харыстабылын аан дойдутааҕы тэрилтэтин сүбэтэ-амата тахсара буолуо.
Ыйытыы: — Кутталлаах бөлөххө оҕолору, кырдьаҕастары сэргэ кимнээх киирэллэрий?
Хоруй: — Ыалдьыбыт дьону кытары хантаактаахтар, оҕолор анаалыстарыгар ЛТИ (латентнай туберкулезнай инфекция) баар буоллаҕына, дьарҕа буолбут ыарыылаахтар, куртахтарыгар баастаахтар, тыынар уорганнарыгар олохсуйбут тымныйыылаахтар, о.д.а. бары кутталлаах бөлөххө киирсэллэр.
Доруобуйаҕытын көрүнэ сылдьыҥ, харыстаныҥ.