Чэбдигирии сыла хаҥаластарга өрө көтөҕүллүүлээхтик саҕаланна

Ааптар: 
21.01.2021
Бөлөххө киир:

Өрөспүүбүлүкэҕэ биллэриллибит Чэбдигирии сыла Хаҥалас улууһугар өрө көтөҕүллүүлээхтик саҕаланна.

Ол курдук, Сиинэҕэ амбулатория, Кыһыл Үрүйэҕэ биэссэр-акушер пууна тутуллан бүтэн эрэллэр диэн улуус  дьаһалтатын пресс-киинэ иһитиннэрэр. Улуус баһылыга Олег Иринеев мэдиссиинэ тэрилтэлэрин материальнай-тэхиньиичэскэй баазаларын тупсарарга улахан болҕомто уурулларын бэлиэтээбит.
—Бу үлэ биһиэхэ тиһиктээхтик салҕанар, — диэбит кини. — СӨ Доруобуйа харыстабылын министиэристибэтин өйөбүлүнэн, бу саҥа тутууларбыт аныгы үйэ ирдэбилигэр эппиэттиир саҥа тэрилинэн хааччылыннылар. Маны сэргэ, тустаах министиэристибэ үбүлээн, Ньөмүгү амбулаторията өрөмүөннэммитэ.
Санатан эттэххэ, биэссэр-акушер пууна нэһилиэнньэҕэ бастакы көмөнү оҥорор. Бу пуун аһылыннаҕына, бөһүөлэк олохтоохторугар уонна чугастааҕы нэһилиэктэргэ мэдиссиинэ өҥөтүн оҥоруу таһыма үрдүөҕэ диэн бэлиэтииллэр.
+1
0
+1
0
+1
0
+1
0
+1
0
+1
0
+1
0