Саха Өрөспүүбүлүкэтин Ил Дархана Егор Борисов алтынньы 4 күнүнээҕи ыйааҕынан СӨ доруобуйа харыстабылын миниистирин солбуйааччынан Татьяна Лебедева ананна.
edersaas.ru
Татьяна Лебедева бу иннинэ Саха сирин премьер-миниистирин сүбэһитинэн үлэлээбитэ. Кини Доруобуйа харыстабылын министиэристибэтигэр экономика уонна үп боппуруостарын сүрүннүөҕэ.
ЫСПЫРААПКА:
- 1976 с. Кэбээйи улууһун Сииттэ с. төрөөбүтэ;
– 1993-1994 сс. – Кэбээйи улууһун Сииттэ с. маҕаһыын атыыһыта;
— 1996-1997 сс. – Хаҥалас улууһугар «Сардаана» дьааһыла-саад буҕаалтыр-кассира;
— 2000 с. – «Хангаласснаб» МУП экономиһа;
— 2000-2002 сс. – «Хангаласснаб» кылаабынай буҕаалтыра;
– 2002 с. Новосибирскай к. потребительскай кооперация Сибиирдээҕи университетыгар «экономика уонна тэрилтэни салайыы» идэни баһылаабыта;
— 2002 с. – «Хаҥалас» улуустааҕы киин балыыһа кылаабынай буҕаалтырын солбуйааччы;
– 2002-2003 сс. – «Хаҥалас» улуустааҕы киин балыыһа ыстаарсай экономиһа;
– 2003-2009 сс. – «Хаҥалас» улуустааҕы киин балыыһа кылаабынай бырааһын солбуйааччы;
– 2009-2010 сс. СӨ предпринимательство сайдыытын пуондатын генеральнай дириэктэрин солбуйааччы;
– 2010-2011 сс. – «Хаҥалас улууһа» муниципальнай оройуон баһылыгын экономикаҕа уонна үпкэ солбуйааччы;
—— 2011-2013 сс. – «Хаҥалас улууһа» муниципальнай оройуон баһылыгын бастакы солбуйааччы;
— 2013 с. РФ Президенин иһинэн норуот хаһаайыстыбатын уонна судаарыстыбаннай сулууспа Арассыыйатааҕы академиятыгар «Судаарыстыбаннай уонна муниципальнай салайыы» идэҕэ үөрэммитэ;
– 2013-2016 сс. – СӨ элбэх кыбартыыралаах дьиэлэри олохтоохтук өрөмүөннээһин пуондатын генеральнай дириэктэрин солбуйааччы;
– 2016-2017 сс. – СӨ предпринимательство уонна туризм сайдыытын дьыалатыгар миниистири бастакы солбуйааччы;
– 2017 с. – СӨ бырабыыталыстыбатын бэрэссэдээтэлин сүбэһитэ.
Татьяна Лебедева 8 сыл устата доруобуйа харыстабылын салаатыгар кылаабынай буҕаалтыры солбуйааччынан, ыстаарсай экономиһынан, улуустааҕы киин балыыһа кылаабынай бырааһын экономикаҕа солбуйааччынан үлэлээбит үөрүйэхтээх.
Надежда ЕГОРОВА, «Саха сирэ» хаһыат, edersaas.ru