Доруобуйа харыстабылын миниистирэ Горнайга сырытта

Ааптар: 
28.11.2020
Бөлөххө киир:

СӨ Доруобуйа харыстабылын миниистирэ Елена Борисова Горнай улууһун киин балыыһатыгар сырытта диэн тустаах министиэристибэ пресс-сулууспата суруйар.

Миниистир поликлиниканы, суһал көмөнү оҥорор отделениены, киин балыыһа стоматологияҕа отделениетын көрдө. Улуустааҕы киин балыыһа материальнай-тэхиньиичэскэй хааччыллыытын, бастакы сүһүөх звено исписэлиистэрин үлэтин билистэ.  Ону сэргэ, ZOOM платформанан киин балыыһа кэлэктиибин кытары сэһэргэстэ, министиэристибэ үлэтин-хамнаһын, былаанын уонна доруобуйа харыстабылын үлэтин салгыы сайыннарар соруктар тустарынан сырдатта диэн иһитиннэрэр.
Кэпсэтиигэ доруобуйа харыстабылын үлэтигэр саҥа сүүрээннэри киллэрии, ол иһигэр улуус балыыһатыгар мэдиссиинэ наадалаах тэрилин ылыы, санитарнай көлө сүрүн тиэмэлэринэн буолбуттар. Маны сэргэ, миниистир балыыһа комплексын хапытаалынай өрөмүөнүн, Аһымаҕа биэссэр-акушер пуунун, босхо эминэн хааччыллыы туһунан, о.д.а. ыйытыыларга хоруйдаабыт. Түмүккэ, мэдиссиинэ эйгэтин үлэһиттэрин сыралаах үлэлэрэ үтүө түмүктээх буоларыгар эрэнэрин биллэрбит.
+1
0
+1
0
+1
0
+1
0
+1
0
+1
0
+1
0