СӨ Доруобуйа харыстабылын миниистирин бастакы солбуйааччы Алексей Яковлев бүгүн быһа сибээскэ ыйытыыларга хоруйдаата.
Киниттэн доруобуйа харыстабылын үлэтигэр туох үлэ ыытылларын ыйыттылар. Алексей Аммосович кылгастык маннык сырдатта:
—Чэбдигирии сылыгар туһуламмыт, былааннаммыт үлэ элбэх. Ол курдук, доруобуйа харыстабылыгар мэдиссиинэ өҥөтүн оҥоруу хаачыстыбалаах буоларыгар үлэ тиһиктээхтик ыытыллар. Доруобуйаны чэбдигирдиигэ, коронавирус кэнниттэн чөлгө түһүүгэ ыытыллар үлэ кэҥиир. Итини таһынан, улахан үлэнэн тутуулар буолаллар, — диэтэ Алексей Аммосович.
Чэбдигирии сылынан Чурапчы, Таатта, Муома, Уус Маайа улуустарыгар тутуулар былааннаналларын эттэ. Манна даҕатан, биэссэр-акушер пууннара, амбулаториялар, балыыһа комплекстара уонна поликлиникалар «Доруобуйа харыстабыла» национальнай бырайыак чэрчитинэн тутуллалларын бэлиэтээтэ. Дьокуускайга өрөспүүбүлүкэтээҕи инфекционнай балыыһаны тутууну саҕалыырга бырайыактыыр-сметнай докумуон оҥоһулларын эттэ.