Бүгүн, Чэгиэн турук күнүнэн, Дьокуускайга «Арассыыйа — мин историям» пааркаҕа доруобуйа харыстабылыгар аналлаах быыстапканы астылар.
Бу туһунан СӨ Доруобуйа харыстабылын министиэристибэтин пресс-сулууспата иһитиннэрэр. Доруобуйа харыстабылын миниистирин бастакы солбуйааччы Алексей Яковлев биэдэмистибэ былырыын аан бастаан «Здоровье нации — основа процветания России» пуорумҥа кыттыбытын, онно өрөспүүбүлүкэҕэ тэриллибит уонна олоххо киллэриллибит: «Межрегиональная медицинская экспедиция «Долгун», «Организация оказания экстренной медицинской помощи с учетом региональных особенностей», «Онкологическая помощь в Республике Саха (Якутия) в условиях пандемии КОВИД 19», «Облачная поликлиника — сервис телемедицинских онлайн-консультаций с пациентами по коронавирусной инфекции», «Дистанционный мониторинг антикоагулянтной терапии» бырайыактары билиһиннэрбиттэрин кэпсээтэ. Экспозициялары нация доруобуйат лигатын бэрэсидьиэнэ Лео Бокерия үрдүктүк сыаналаабытын эттэ.
Оттон мэдиссиинискэй чэбдигирдии өрөспүүбүлүкэтээҕи киинин кылаабынай бырааһа Алена Никитина доруобуйа харыстабылыгар анаммыт быыстапка Чэбдигирии сылыгар итиэннэ чуо бүгүн, Чэгиэн турук күнүгэр, аһыллан дьону-сэргэни түмэ тардыбыта хас эмэ бүк үөрүүлээҕин бэлиэтээтэ. Манна даҕатан эттэххэ, олунньу бүтэһик күнүгэр, мэдиссиинэ тэрилтэлэригэр аһаҕас аан күннэрэ буолаллар, доруобуйаны бэрэбиэркэлэтии уо.д.а. тэрээһиннэр ыытыллаллар.