Доруобуйа Маны аах

Доруобуйа быыстапкатыгар «Куруһаалаҕа» кэл

Саха Өрөспүүбүлүкэтигэр Ийэ сылынан, САССР тэриллибитэ 100 сылынан уонна Доруобуйа аан дойдутааҕы күнүнэн муус устар 5-7 күннэригэр   «МедЭкспо. Доруобуйа уонна Кэрэ буолуу” эрэгийиэннэр икки ардыларынааҕы XI анал быыстапка ыытыллыа.

 

Үгэскэ кубулуйан сыл аайы тэриллэр быыстапка Арассыыйа уонна омук дойдуларын технологияларын Уһук хотугу сиргэ туһанарга, СӨ доруобуйатын харыстабылын ситиһиилэрин көрдөрөргө, тирээн турар боппуруостары уонна  өрөспүүбүлүкэ доруобуйатын салаатын сайыннарыы кэскиллэрин дьүүллэһэргэ көдьүүстээх былаһаакканан буолар. Ону таһынан доруобуйаҕа   дьайар куһаҕан дьаллыктартан  босхолонорго көмөлөһөр успуорт-чэбдигирдии ньымаларын сырдатар, көрдөрөр.

Быыстапкаҕа Дьокуускай куорат мэдиссиинискэй тэрилтэлэрин сүрүннүүр исписэлиистэрэ кыттыахтара.

Буоларын курдук, “Куруһаала” эргиэн киинигэр быыстапкаҕа кэлбит дьон психиатр-нарколог, килиниичэскэй психолог, оҕо уонна улахан дьон  реабилитолог, отоларинголог, дерматолог, липидолог, гериатр, невролог, ЛФК, фтизиатр быраастар уонна да исписэлиистэр сүбэ-ама биэриэхтэрэ. Ким баҕалаах RW, ВИЧ инфекцияҕа,  В, С гепатикка анаалыстары туттарыан сөп.

Тэрийээччилэр куорат олохтоохторун уонна ыалдьыттарын муус устар 5-7 күннэригэр  10.00-16.00 чааска диэри  «МедЭкспо. Доруобуйа уонна Кэрэ буолуу” эрэгийиэннэр икки ардыларынааҕы анал быыстапкаҕа көхтөөхтүк кыттаргытыгар ыҥыраллар.

Надежда ЕГОРОВА, «Саха сирэ», edersaas.ru

 

0
0
Telegram @edersaas20