Саха сирин эдэр ыччатын «Доруобай ыччат -– күүстээх өрөспүүбүлүкэ» киэҥ хабааннаах аахсыйаҕа ыҥыраллар.
edersaas.ru
Табаҕы утары охсуһуу бүтүн аан дойдутааҕы күнүгэр, Ийэ сылыгар уонна САССР 100 сылыгар ананар аахсыйаҕа эһигини чэпчэки атлетикаҕа аан дойду кылаастаах успуорт маастара Сардаана Трофимова маассабай эрчиллиитэ уонна босхо мэдиссиинискэй чинчийиилэр күүтэллэр.
Мэдиссиинискэй чинчийиигэ ким баҕалаах спирометрия, тонометрия, пульсоксиметрия, хааҥҥа саахар таһымын быһаарыы, диетолог, нутрициолог, офтальмолог, психиатр, психолог, дерматолог быраастар өҥөлөрүнэн туһаныаҕа. Ону таһынан ВИЧ-инфекцияҕа, В,С гепатиттарга, сифилискэ босхо тиэст-анаалыс уо.д.а. туттарыан сөп.
Бу күн эһигини араас квестар, ооннуулар, «Миэдик-волонтердар» флешбомнара, чөл олоххо сыһыаннаах викториналар, В.Белинскэй аатынан кыраайы үөрэтэр бибилэтиэкэ кинигэлэрин быыстапката, «Тэлээрис», «Контраст» кэлэктииптэр уонна Эстрада тыйаатырын артыыстара күүтэллэр.
Ыам ыйын 31 күнүгэр 10-15 чааска диэри Хомсомуол болуоссатыгар кэлэн аахсыйаҕа кыттыҥ, сынньаныҥ, доруобуйаҕытыгар болҕомтото ууруҥ.
Надежда ЕГОРОВА, «Саха сирэ», edersaas.ru