Саха сиригэр Доруобуйа сылын түмүктэрин таһаарыы чэрчитинэн, доруобай эйгэни тэрийии дьоһун суолталаах боппуруостарын «Общественное здоровье: ключевой фактор качества жизни» эрэгийиэннэр икки ардыларынааҕы I форум кыттыылаахтара дьүүллэһиэхтэрэ.
edersaas.ru
Ахсынньы 16-17 күннэригэр онлайн-көрүҥүнэн барар форум соругунан уопсастыба доруобуйатын тиэмэтигэр болҕомтону тардыыны сэргэ, төһө кыалларынан, араас биэдэмэстибэлэр күүстэрин холбооһун буолар.
Форум видео-сибээһинэн ыытыллар үлэтигэр РФ доруобуйаҕа харыстабылын миниистирин солбуйааччы Олег Салагай, демографияҕа, дьиэ кэргэн уонна оҕо аймах харыстабылыгар, дьиэ кэргэн үгэс буолбут сыаннастарыгар РФ Уопсастыбаннай балаататын хамыыһыйатын бэрэссэдээтэлэ Сергей Рыбальченко кыттыахтара. Онтон пленарнай мунньахха СӨ бырабыыталыстыбатын бэрэссэдээтэлин солбуйааччы Ольга Балабкина, СӨ Судаарыстыбаннай мунньаҕын (Ил Түмэн) Алексей Еремеев, СӨ доруобуйа харыстабылын миниистирин э.т. Лена Афанасьева уо.д.а. кыттыыны ылыахтара. Ону сэргэ Москваттан, Благовещенскайтан, Красноярскайтан, Надымтан уо.д.а. холбонуохтара.
Надежда ЕГОРОВА, «Саха сирэ» хаһыат, edersaas.ru
Хаартыска: МУИР сайтыттан.