Ааспыт субуотаҕа кырачаан Соня Чигиреваҕа көмөлөһөр сыаллаах Аһымал кэнсиэр Марфа, Сергей Расторгуевтар ааттарынан Бриллиантовай циркэ дьиэтигэр буолла.
edersaas.ru
Кыысчаан соторутааҕыта дьонун кытта Соҕуруу Кэриэйэҕэ эмкэ барда, үөһээ уоһугар тахсыбыт гемангиомаҕа сыаналаах эпэрээссийэ оҥоһуллар.
СӨ Култууратын, духуобунай сайдыытын министиэристибэтэ, “Амма” түмсүү, Сахацирк көҕүлээһиннэрин өйөөн, Аһымал кэнсиэргэ өрөспүүбүлүкэ биллэр-көстөр артыыстара, ырыаһыттар кытыннылар: Альбина Кычкина, Айталина Адамова, Марина Силина, Николай Попов, Григорий Петров, Феодосия Шахурдина, Екатерина Захарова, Галина Шахурдина, Екатерина, Алексей Егоровтар, Светлана, Егор Неустроевтар, Серафим, Байбал, Ника, Милена Борисова, Ванс, Альбина Дегтярева “Айархаан” бөлөҕө, Үҥкүү тыйаатырын, Бриллиантовай циркэ артыыстара, уо.д.а.
Аһымал кэнсиэри Александр Бурнашев уонна Георгий Белоусов иилээн-саҕалаан ыыттылар.
Ытыктыыр, таптыыр ырыаһыппыт Нина Чигирева, кини күндү сиэнигэр Сонечкаҕа көмөлөһөр аналлаах кэнсиэргэ сүрэхтэрин этиитинэн кэлэн кыттыбыт амарах санаалаах биир идэлээхтэригэр, циркэҕэ мустубут үгүс ахсааннаах көрөөччүгэ дириҥ махталын биллэрдэ.
Татьяна МАРКОВА, edersaas.ru
Хаартыскаларынан Сахациркэ хааччыйда.