Дьон биэрэписчиттэри эйэҕэстик көрсөллөр, ыйытыыларга толору хоруйдууллар

Ааптар: 
Бөлөххө киир:

Ойуур баһаардара төһө даҕаны мэһэйи үөскэттэллэр, Бүтүн Арассыыйатааҕы тыа хаһаайыстыбатын дьоҕус биэрэпиһэ кыраапык быһыытынан баран иһэр.

 

Бу кэм устатыгар биэрэписчиттэр 24715 кэтэх хаһаайыстыбаҕа сырыттылар. Ыаллар биэрэпиһи ыытааччыллары эйэҕэстик көрсөллөр, ыйытыыларга толору хоруйдууллар, биэрэпистэн аккаастаммыт суох. Даҕатан эттэххэ, 2016 с. тэҥнээтэххэ, биэрэпис илииһэ судургутуйбут, билигин 10 ыйытыылаах. Ол ыйытыыларга хаһаайыстыба үүнүүтүн, бородууксуйаны батарыыта, атын да экэнэмиичэскэй көрдөрүүлэрэ таарыйыллыбат, арай кирэдьиити, судаарыстыба көмөтүн ылбытын-ылбатаҕын туһунан баар. Бу ыйытыы судаарыстыба көмөтүнэн, кирэдьиитинэн дьон төһө туһанарын итиэннэ ол төһө көдьүүстээҕин билэргэ көмөлөһөр. Сүөһү-сылгы, көтөр ахсаанын, туһаныллар сир кээмэйин, ханнык култуура ыһылларын уо.д.а. туһунан ыйытыы дойду үрдүнэн төһө сир туһанылларын, ыаллар аһынан-үөлүнэн бэйэлэрин төһө хаачыналларын чопчулуоҕа.

Тэрээһиннээх хаһаайыстыбалар (кэпэрэтииптэр, агрохолдиннар, бааһынай хаһаайыстыбалар о.д.а.) былааҥканы атырдьах ыйын 20 күнүгэр диэри бэйэлэрэ толорон түһэрэллэр. Билиҥҥи туругунан 40 хаһаайыстыба (25,7%) былааҥкатын толорбут. Биэрэпис салҕанар.

Раиса Сибирякова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0