Маны аах Уопсастыба

Дьон алгыска наадыйар

Мэҥэ Хаҥалас улууһун Майатааҕы Итэҕэл балаҕанын үлэтин биир хайысхатынан дьон ис-тас эйгэтин ыраастааһын уонна алгыс түһэриитэ буолар.

Арчыһыт Анна Климентова Итэҕэл балаҕанын туһунан сиһилии маннык кэпсиир:

— Кэлиҥҥи сылларга хаарбах дьиэттэн саҥа таас дьиэҕэ көһүүгэ алгыс, эргэ дьиэлэри көтүрүүгэ сиэр-туом толоруутугар наадыйыы элбээтэ. Онно арчыһыт Зиновий Игнатьев сылдьар.

Балаҕаҥҥа биирдиилээн ыраастаныыны Зиновий Иванович уонна Лидия Андреева-Ил Иитэ ыыталлар. Улахан кэлэктиибинэн кэлэн ыраастанан, алгыс ылан бараллар.

Спортсменнары күрэххэ атаарыы сиэрин эмиэ толоробут. Тутуу этэрээтин оҕолорун ыраастаан, алҕаан атаарбыппыт. Үбүлүөйдэригэр военкомат үлэһиттэрэ бары кэлэн, арчыланан, алгыс ылан барбыттара. Пандемия иннинэ 500-тэн тахса оҕо (балтараа сыллааҕы отчуоттан) кылааһынан кэлэн, арчыланан, алгыстанан, сиэр-майгы туһунан сэһэргэһэн бараллара.

Маны таһынан сыстыганнаах дьаҥ иннинэ муор-туор сылдьар дьоммутун аҕалан ыраастаан, алҕаан, аһатан ыытар этибит. Былырыын, быйыл Уус Алдан, бэйэбит улууспут уолаттарын аармыйаҕа атаарыы сиэрин-туомун толордубут. Ити курдук, үлэбит биир хайысхатын толоро олоробут.

Елена ПОТОЦКАЯ.

0
0
Telegram @edersaas20