«Үйэлээх мал» («Өбүгэм ситимэ») куонкуруска кыттарга быһаарынным.
Эһэм Слепцов Василий Герасимович, өр сылларга Дьокуускай куоракка олорбута. Юстиция министиэристибэтигэр буҕаалтырынан үлэлээн биэнсийэҕэ тахсыбыта. Томпо улууһун Мэҥэ Алдан нэһилиэгин тэрийсибит үтүөлээх. Кини тирии тастаах дьааһыга, кинигэлэрэ бааллар.
Аҕам Слепцов Тарас Васильевич сэрии кыттыылааҕа, үлэ бэтэрээнэ. Сэриини Берлиҥҥэ түмүктээбит, түөрт сыл оккупационнай чааска сулууспалаабыт. 1- кы Белорусскай фронт, 15- с авиаистребительнай полк. Сэриигэ сылдьыбыт докумуоннара, фотоальбома, Рейхстаг истиэнэтигэр түспүт хаартыската.
Хос эбэм Протопопова Екатерина Егоровна дьааһыга, 1957 сыллаахха 90- тан тахсан баран өлбүт. Бу дьааһыгы хос эһэм Протопопов Егор Степанович оҥорбут.
Ийэм Слепцова Екатерина Васильевнаттан хаалбыт хаһыаччык, тикпит быысыбайдара, ридикюль ( крокодил тириитэ) суумката.
Хос эбэм иистэнэр «Зингер» массыыната. Бу массыына билигин да тигэр. 1883 с. Бу сыыппараларынан сирдэтэннэр (хаартыскаҕа көр) сылын каталогтан көрөн туруорбуттара.
Антонина Григорьева,
Таатта, Чымынаайы.
Хаартыскалар А.Григорьева тиксэриилэрэ